Ja, disa nga arsyet më të mundshme që ju bëjnë ju një hardgainer – TAF

Sipas përkufizimit, një hardgainer është një person që e ka shumë të vështirë të shtojë masë muskulare, ose të fitojë forcë, pamvarësisht se sa ha, apo sa fort stërvitet në palestër. Pjesa më e madhe e atyre që ngrenë pesha nuk kanë një ekuilibër të mirë mes ushqimit dhe stërvitjes.

  1. MBISTËRVITJA

Ky ndoshta është gabimi më i zakonshëm që bodybuilders bëjnë dhe një nga ato që i kufizojnë të nxjerrin në pah të gjithë potencialin e tyre. Të gjithë jemi mësuar, që për të pasur sukses në jetë na duhet të punojmë fort e për një kohë të gjatë. Në historinë e trajnimit me pesha është paksa ndryshe. Ok, pjesa “të punojmë fort” është në rregull dhe e vërtetë. Na duhet të trajnohemi aq fort sa e kërkon intensiteti – sigurisht nëse doni të bëheni të mëdhenj, duhet të ngrini pesha të mëdha.

over

Problem qëndron kur fillohet të aplikohet filozofia “sa më shumë, aq më mirë” në trajnimin me pesha. Shumë shpesh dëgjon njerëz të thonë – “Unë nuk dua të stërvitem shumë. Do të dukem si ata bodybuilders në faqet e revistave. Do të bëhem i stërmadh.” Ose “Nëse do të dukesh si ata djemtë në faqet e revistave, duhet të stërvitesh çdo ditë, madje edhe 2 herë në ditë.”

Nga ana logjike tingëllon mirë, për ta  thënë më qartë – juve ju duhet më tëpër praktikë. Nëse ke shtuar 1.5kg këtë muaj duke bërë 3 seanca dhe 6 sete në javë, atëherë do të shtosh 3 kg duke bërë 12 sete. Në realitet, kjo lloj filozofie nuk është e vërtetë. E vetmja gjë që mbistërvitja shkakton është t’ju stërlodhë dhe pa ju dhënë asgjë në këmbim.

Objektivi juaj kryesor duhet të jetë të bëheni më të forte kur ngrini pesha të rënda, jot ë shihni se sa sete bëni, apo sa gjatë rrini në palestër.

 

  1. NUK HANI SI DUHET

Përpos stërvitjes së varfër (mbistërvitjes), mosngrënia si duhet është një tjetër faktor që i kufizon bodybuilders të arrijnë objektivat e tyre. Shumë prej hardgainers ose mbistërviten, ose nuk hanë si duhet. Kërkimet shpeshherë kanë treguar se hardgainers zakonisht e nënvlerësojnë sasinë e ushqimit që ata hanë gjatë ditës, apo javës. Edhe pse ata nganjëherë mund të hanë vakte me sasi të lartë kalorish, shpesh ata e kompensojnë këtë duke ulur numrin e kalorive ditën tjetër ose në vaktin e radhës.

eat

Fakti i thjeshtë është se të ndërtosh muskuj nuk duhet vetëm stimuli i duhur stërvitor, por edhe “gurët ndërtues” për indet e reja. Kjo do të thotë që ju duhet t’i jepni trupit tuaj kaloritë dhe energjinë e nevojshme. Mos u ankoni pastaj se sa shumë stërviteni dhe nuk po shikoni rezultate dhe mos u justifikoni me faktin që nuk keni kohë të hani. Nëse doni rezultate, nëse doni të shtoni masën që kërkoni, hani!

 

  1. FOKUSOHENI NË LËVIZJET E IZOLUARA

isolated

Atëherë, nuk po themi që ushtrimet e izoluara janë të këqia. Ato janë një mënyrë shumë e mirë për të punuar detajet dhe për t’i dhënë ato prekjet e fundit trupit, nëse ju e keni ndërtuar tashmë një fizik të madh e të fuqishëm. Nëse jo, punoni me ushtrimet e përbëra si, bench press, overhead press, squats, deadlifts dhe row. Mos harroni që në të gjitha këto ushtrime, ju po punoni edhe muskujt e izoluar. Ama, ato nuk duhet të jenë prioritet.

 

  1. E TEPRONI ME KARDIO

tread

Në fakt, përfshirja e disa ushtrimeve kardio mund të jetë dobiprurëse për pjesën më të madhe të ngritësve të peshave. Mund t’ju shtojë oreksin, mund të ndihmojë në përmirësimin e fazes rekuperuese dhe mban proçeset metabolike të djegies së yndyrnave në punë, në mënyrë që të digjni yndyrna në mënyrë sa më efektive.

Megjithatë, duke bërë seanca kardio më shumë se ç’duhet, kur objektivi yt është të shtosh në masë, mund të dëmtojë forcën dhe fitimin e muskujve. 2-3 seanca me intesitet të ulët, me nga 20-30 minuta në javë do të ishin efektive dhe në të njëjtën kohë nuk do t’ju pengonin të fitonit muskuj. Idealja është që të synoni për 10-15 minuta HIIT (Trajnim me Intervale me Intensitet të Lartë) disa ditë në javë, pasi ka një efekt më të madh në humbjen e përqindjes dhjamore dhe në ruajtjen e muskujve.


Postime te ngjashme: 

Related Posts Plugin

Ju lutemi, pelqeni dhe shperndani

Leave a Reply