SI TA KUPTONI SE SA PROTEINË, KARBOHIDRATE DHE YNDYRNA JU DUHEN NË DITË, PËR TË RËNË NË PESHË – TAF

Të biesh në peshë nuk është e vështirë.

Sinqerisht nuk është e vështirë – mjafton të ulni numrin e kalorive nën nivelin e kërkuar për mirëmbajtjen e peshës. Në fakt, ju as nuk duhet të hani shëndetshëm – ju mund të hani çfarë të doni, pë doni, për aq kohë sa totali i kalorive tuaja është nën sasinë e mirëmbajtjes.

Ah, pa pritni një minutë, a po mundoheni të shkrini dhjamrat apo të dobësoheni e të qulloseni?

Epo në këtë rast, sasia e konsumuar e proteinës, karbohidrateve dhe yndyrnave është shumë e rëndësishme.

Por ama edhe në këtë rast ju duhet të jeni në deficit kalorish dhe nëse doni që të ulni përqindjen dhjamore në trup dhe jo të humbisni muskujt, burimi i këtyre kalorive bëhet shumë, shumë i rëndësishëm.

Le të kuptojmë më mirë se për sa keni nevojë:

 

Sa kalori të konsumojmë

Shumë prej jush e sidomos meshkujt duan të heqin dhjamin e tepërt shumë shpejt – e sigurisht kush mund t’i fajësojë për këtë. Të mbash dietë nuk është një gjë argëtuese, kështu që t’i biesh për shkurt e të evitosh proçesin është më mire, apo jo?

Në fakt, rezulton e kundërta, sa më gradualisht të bini në peshë, aq më shumë keni shanse të mbani dhjamin larg trupit tuaj. Njerëzit që bien pre e dietave drastike kanë tendencën të çorodisin nivelet hormonale dhe metabolizmin, kështu që sapo i rikthehen të ushqyerit normal pesha e tyre rithehet po ashtu.

Ju duhet të synoni të bini 500gram deri në 1kg në javë, gjë e cila mund të arrihet përmes një defiçiti prej 500-1000 kalorish. Ju sigurisht duhet fillimisht të llogarisni Shkallën Bazike të Metabolizmit (BMR) bazuar në moshën, gjatësinë, peshën dhe aktivitetin fizik, në mënyrë që të përcaktoni në mënyrë më të qartë sasinë e kalorive që ju duhet të merrni dhe ta rregulloni atë pastaj në varësi të progresit tuaj në rënien në peshë.

 

Lexo me shume: KALORITË E SHPJEGUARA

 

Karbohidratet

Karbohidratet janë një burim themelor i lëndëve ushqyese dhe mineraleve, pa përmendur këtu që trupi i do shumë ato, që t’i përdorë si energji. Bëni çmos që të konsumoni një varietet karbohidratesh si fruta, perime dhe drithëra integrale.

Drithërat e përpunuara duhet të evitohen pasi janë të zhveshura nga lëndët ushqyese të vlefshme për trupin tuaj. Synoni që 40-50% e kalorive tuaja ditore të vijë nga karbohidratet.

Proteina

Proteina është thelbësore kur jeni në një dietë me deficit kalorish, pasi do t’ju ndihmojë të ruani muskujt tuaj. Gjithashtu trupi juaj ka më pak shanse që të grumbullojë proteinën e tepërt në formë dhjami dhe ju bën që të ndiheni më të ngopur për një kohë më të gjatë, duke ua bërë kështu më të lehtë uljen e kalorive.

Synoni që 30% e kalorive tuaja ditore të vijnë nga burime proteinike si: mishi i bardhë, mishi i kuq (pa dhjam), peshku, vezët, fasulet, qumështi, djathi, kosi, whey etj..

 

Lexo me shume: SI TE PERGATISNI VAKTIN E DUHUR PAS-STERVITOR PER RENIE NE PESHE & RRITJE TE MUSKUJVE

 

Yndyrnat

Një nga gabimet më të mëdha që mund të bëni në një dietë për rënie në peshë është të eleminoni yndyrën bulmetore. Trupi juaj ka nevojë për këtë makronutrient të çmuar, që t’ju ndihmojë të mbani nivelin e testosteronit lart dhe për ta ndezur metabolizmin.

Konsumoni një varietet yndyrnash të mira (sigurisht përjashtoni yndyrnat trans) nga burime si: vaji i ullirit, frutat e thata (bajame, lajthi, arra, ej) dhe peshku. Mishi i kuq si psh bifteku i viçitit, ashtu si edhe të verdhat e vezës janë një burim i mire i yndyrnave të ngopura.

 

Ta bësh prerjen e trupit sa më të lehtë

Një nga gjërat që e bën heqjen e dhjamit kaq të vështirë është se sa më shumë të e ulim sasinë e kalorive që konsumojmë, aq më shumë trupi ynë ul metabolizmin, me qëllim kompensimin.

Dhe kjo mund të kthehet në një rreth vicioz deri në atë pikë sa kaloritë ditore janë aq të ulëta, sa ne ndihemi vazhdimisht të uritur. Dhe pikërisht në këtë moment ju mund të jeni të detyruar të merrni një suplement për djegien e dhjamrave (fat burner), që t’ju ndihmojë të arrini më me lehtësi defiçitin e kalorive. Përpos kësaj ato mbajnë lart nivelin e energjisë dhe ju ndihmojnë të përballoni seanca të vështira. Por, jo të përdoret atëherë kur kontrolli i defiçitit të kalorive është në kushte normale dhe kur përballimi i stërvitjes dhe dietës bëhet pa ndihmë nga jashtë.

 


FIT NË 12 JAVË

Ju lutemi, pelqeni dhe shperndani

Leave a Reply